Comprácenos anunciar a conferencia Viño, lingua e tradución que impartirá o catedrático da Universidade de Valladolid Miguel Ibáñez Rodríguez e que terá lugar o xoves 1 de xuño ás 11h no Salón de Graos da FFT.
O acto está organizado polas investigadoras do noso grupo Áurea Fernández Rodríguez e Iolanda Galanes Santos do Departamento de Tradución e Lingüística e pola profesora (e doutoranda de BiFeGa) Teresa Azevedo Pataco do ISCAP de Oporto.
En anexo vai o cartaz da actividade para que poidades ter maior información.
Os obxectivos desta conferencia, que se enmarcan no Ciclo de Actividades BiFeGa, son mellorar os coñecementos sobre a tradución e as terminoloxías; vinculadas á elaboración e á comercialización do viño; analizar os problemas terminolóxicos culturais na tradución de documentación sobre enoturismo e propoñer estratexias de harmonización das terminoloxías implicadas no enoturismo.
Miguel Ibáñez é investigador principal do grupo GIRTraduvino (https://girtraduvino.com/es/presentacion/ , creado en 1998 co obxecto de mellorar o coñecemento e a normalización das linguas de especialidade e a súa tradución do ámbito vitivinícola e turístico.
Xa está dispoñible a conferencia gravada na UVigoTV – Viño, lingua e tradución
